Seachtain na Gaeilge seolta ag Comhaltas na Mac Léinn OÉ Gaillimh

Sheol Comhaltas na Mac Léinn, OÉ Gaillimh a chlár imeachtaí do Sheachtain na Gaeilge inniu. Beidh Seachtain na Gaeilge ar siúl ó Dé Céadaoin, Márta 1ú go dtí Lá Fhéile Pádraig, Dé hAoine, Márta 17. 

Spreagfaidh an tseachtain seo mic léinn agus baill foirne ar fud na hOllscoile cibé leibhéal Gaeilge atá acu a úsáid ag imeachtaí spraíúla, saor in aisce, cuimsitheacha. Beidh oíche de chultúr Gaelach ann, ina ndéanfar ceiliúradh ar bhuanna bhaill foirne agus mic léinn na hOllscoile le filíocht, amhránaíocht, prós agus damhsa i nGaeilge.

Chomh maith leis sin, tarraingeoidh Comhaltas na Mac Léinn aird ar fheachtais atá dírithe ar chearta teanga na Gaeilge, amhail An Dream Dearg. Beidh an rang Gaeilge 101, a mbíonn an-tóir air i gcónaí, ar ais chun blaiseadh den Ghaeilge a thabhairt do dhaoine.

Cúigear mór le rá i gColáiste Bhríde i Rann na Feirste agus faoi choimirce bhean an tí

Des Cahill, Amanda Brunker, Fred Cooke, réalta Tiktok Lauren Whelan agus peileadóir Mhaigh Eo Oisín Mullin i nGaeltacht Rann na Feirste

Bhí an méid seo a leanas le rá ag Sai Gujulla, Uachtarán Chomhaltas na Mac Léinn: “Tá lúcháir orainn imeachtaí Sheachtain na Gaeilge a sheoladh chun pobal na hOllscoile a spreagadh níos mó Gaeilge a labhairt in atmaisféar spraíúil agus suaimhneach. Is sinne an chéad Chomhaltas Mac Léinn sa tír a bhfuil Oifigeach Gaeilge lánaimseartha aige agus níl ár straitéis Gaeilge ach ina tús leis na himeachtaí seo.”
Dúirt Leas-Uachtarán Chomhaltas na Mac Léinn don Ghaeilge, Barry Ó Siochrú: “Táimid ar bís chun fáilte chroíúil a chur roimh an nGaeilge sa champas i rith Sheachtain na Gaeilge. Beidh comhoibrithe iontacha ag cabhrú linn leis an tseachtain a reáchtáil, agus iad ag cur seónna Flirt FM i láthair i nGaeilge, agus ag reáchtáil tob-sheisiún ceoil traidisiúnta, oíche de chultúr Ghaelach agus ar ndóigh Céilí Mór ag Sult. Seachtain spraíúil a bheidh inti.”