Cuireann dochtúir Úcránach lena chuid scileanna agus comhlíonann sé a chuid aislingí trí leigheas a chleachtadh

Tá ainéistéisí ón Úcráin tar éis cur lena chuid scileanna le Bord Oideachais agus Oiliúna Dhún na nGall (ETB) chun post tairbheach a bhaint amach le linn a thréimshe in Éirinn.

Tá fonn ollmhór ar Valerii Iakovchuk, a theith ón gcogadh san Úcráin agus a bhfuil cónaí air ar an gClochán Liath, leigheas a chleachtadh in Éirinn. 

Ach ar dtús, caithfidh sé pas a fháil i scrúdú Béarla agus i scrúduithe leighis eile chun a bheith deimhnithe chun cleachtadh arís.

Shocraigh Valerii a scileanna Béarla a fheabhsú trí obair agus oideachas le tacaíocht ó Sheirbhís Breisoideachais agus Oiliúna (FET) ETB Dhún na nGall. 

Bhí suim aige i gcónaí in airgeadas agus i bpolasaithe, agus mar gheall ar a dhiongbháilteacht filleadh ar an bhfostaíocht, rinne sé iarracht na scileanna a fháil le dul isteach san earnáil nua.

D’aimsigh Valerii post lánaimseartha riaracháin go luath i ndiaidh dó Dioplóma ACCA Leibhéal 2 i gCuntasaíocht Airgeadais agus Bainistíochta a bhaint amach. Is cúrsa cumaisc é seo a bhíonn ar siúl ar líne ceithre lá in aghaidh na seachtaine, le ceardlann pearsanta lá amháin sa tseachtain.

Tugann daltaí faoi na dámhachtainí seo a leanas atá mar chuid den QQI Leibhéal 5: Párolla Láimhe agus Ríomhairithe, Leabharchoimeád Láimhe agus Ríomhairithe agus Tosaigh do Ghnó Féin. 

“Tá foireann chairdiúil agus chabhrach ag ETB. Bhí mé an-sásta freastal ar an Ionad Oiliúna Leitir Ceanainn,” a dúirt Valerii.

“D’fhoghlaim mé faoi ÁSPC, MSU, chreidmheasanna cánach, agus chabhraigh sé liom mo chuid oibre a aimsiú.”

D’éirigh le Valerii ina chuid scrúduithe agus mar gheall ar a scileanna nua, fuair sé fostaíocht ina cheantar áitiúil.

Níor stop Valerii ansin, agus é ag iarraidh níos mó cáilíochtaí a bhaint amach, chláraigh sé i gclár oíche páirtaimseartha chun cáilíocht ACCA Leibhéal 3 i gCuntasaíocht Airgeadais agus Bainistíochta a bhaint amach. Maoinítear an cúrsa oíche seo tríd an tionscnamh maidir le Scileanna le Dul Chun Cinn.

“Tá an cúrsa seo níos sonraí agus tá sé an-suimiúil dom tuilleadh a fhoghlaim faoi chuntasaíocht.

“Tá sé tugtha faoi deara agam go bhfuil easpa cuntasóirí in Éirinn agus mholfainn an ghairm iontach seo.”

Dúirt Valerii go bhfuil sé fós ag iarraidh tabhairt faoin gcéad ghairm a bhí aige mar ainéistéisí agus tá sé meáite ar snas a chur ar a chuid Béarla. Bhí oiliúint sa Bhéarla le ETB Dhún na nGall ina cuid mhór dá oiliúint don Chóras Tástála Idirnáisiúnta Béarla (IELTS) atá le teacht. 

Ba mhaith le Valerii a chuid múinteoirí a mholadh as an tacaíocht a thug siad dó le dhá bhliain anuas. “Tá Marguerite McGee agus Claire Curran tar éis a bheith iontach agus tá Elena Gill sa rannóg Treoir d’Aosaigh ar fheabhas ar fad. Míníonn siad gach rud ar bhealach atá iontach soiléir.

“Tá ETB iontach ar fad, tá foireann agus cúrsaí iontacha aige. Mholfainn do gach duine ar mian leo post a fháil dul i dteagmháil leis an bhfoireann.”

Chun tuilleadh eolais a fháil, bígí ag Aonach FET ETB Dhún na nGall 2024 ar an 28 agus an 29 Feabhra san Óstán Radisson Blu i Leitir Ceanainn.