Tá Aerfort Bhaile Átha Cliath ag súil le níos lú turasóirí do Lá Fhéile Pádraig in Éirinn

Tá sé fógartha ag Aerfort Bhaile Átha Cliath go bhfuiltear ag súil go mbeidh líon na dturasóirí a thaistealaíonn go hÉirinn do Lá Fhéile Pádraig níos ísle ná mar a bhí le blianta beaga anuas, mar gheall ar an teorainn paisinéirí atá i bhfeidhm.

Tá siad tar éis a chinntiú freisin do lucht saoire go mbeidh na geataí fós gnóthach le daoine ag súil le taisteal don deireadh seachtaine fada agus Féile Cheltenham.

Dúirt Graeme McQueen, Bainisteoir Caidrimh Meán ag ÚABÁC:

"Idir Dé Céadaoin agus Dé Máirt seo chugainn, táimid ag súil le fáilte a chur roimh thart ar 400,000 paisinéir. Sa tréimhse chéanna anuraidh chuireamar fáilte roimh níos mó ná 410,000 paisinéir, mar sin is léir go bhfuil tionchar ag an teorainn.

“Beidh ár ngeataí imeachta fós gnóthach an tseachtain seo, agus na mílte de lucht leanúna na rásaíochta ag déanamh an turais ghearr go Cheltenham don fhéile bhliantúil rásaíochta capall, agus bainfidh go leor eile leas as deireadh seachtaine fada saoire bainc le taitneamh a bhaint as sos cathrach nó turas earraigh thar lear. Beidh ár hallaí teachta gnóthach freisin agus na mílte turasóirí ag teacht ó gach cearn den domhan chun Lá Fhéile Pádraig a cheiliúradh anseo in Éirinn.”

Léigh seo chugainn: Meabhraítear d’fhaighteoirí leasa shóisialaigh an t-athrú ar sceideal íocaíochta na seachtaine seo chugainn

Tá tréimhse Lá Fhéile Pádraig ar cheann de bhuaicphointí bhliain turasóireachta na hÉireann nuair a thagann go leor cuairteoirí ardluacha, go leor acu ó Mheiriceá Thuaidh agus ón Áise, anseo ar shosanna fada i mBaile Átha Cliath agus ar fud na tíre.