Maoiniú de bheagnach €6.2 milliún do scoileanna agus d'áiseanna pobail

D’fhógair an tAire Forbartha Tuaithe agus Pobail, Heather Humphreys TD de bheagnach €6.2 milliún de mhaoiniú d’áiseanna pobail agus spóirt ar fud na tíre.

Tacóidh an maoiniú, le 152 tionscadal a sheachadadh, lena n-áirítear páirceanna astroturf, clóis súgartha, gairdíní céadfacha, rianta siúlóide, cosáin dúlra, spásanna lasmuigh agus caiféanna pobail.

Ag fógairt sonraí an mhaoinithe, dúirt an tAire Humphreys: “Tá lúcháir orm maoiniú de bheagnach €6.2 milliún a fhógairt, chun 152 tionscadal ardchaighdeáin pobail agus spóirt a sheachadadh ar fud na tíre.

“Tá an maoiniú seo á chur ar fáil faoi Chlár CLÁR 2023 agus is éard atá i gceist leis nó cinntiú go mbainfidh cuid de na pobail is mó tuaithe leas as tionscadail a dhéanfaidh áiteanna níos bríomhaire le maireachtáil, le hoibriú iontu agus le cuairt a thabhairt orthu.

“Mar sin ó pháirceanna réaltbhuí, áiteanna súgartha agus gairdíní céadfacha go rianta siúlóide, cosáin dúlra, spásanna léirithe lasmuigh agus caiféanna pobail – déanfaidh na tionscadail seo difríocht mhór do shaol daoine de gach aois agus cumas.

“Tá an maoiniú seo sa bhreis ar an €4.7 milliún a d’fhógair mé i mí na Nollag, a dhírigh go príomha ar thacú lenár CLG agus le clubanna spóirt eile. Tá an infheistíocht seo ar fad á seachadadh faoinár mbeartas forbartha tuaithe, Ár dTodhchaí Tuaithe, a bhfuil tionchar bunathraithe aige ar fud Tuaithe na hÉireann.”

I measc samplaí de na tionscadail tá Comharcumann Frobartha Árann i nGaillimh a fuair €45,000 dó   suíocháin a chur ar fáil ag trá na brataí gorm, Scoil Samthann, Béal Átha na Lao, Co Longfoirt, a fuair €50,000 do pháirc Astro-turf ar thailte na scoile, Scoil Náisiúnta Dhroim Fhia, i gCeatharlach a fuair €40,680 do áit súgartha bog measc iomaí tionscadal agus tógra eile ar fud fad na tíre. 

Dúirt an tAire Humphreys: “Tá áthas orm a fhógairt inniu freisin go bhfuil maoiniú ar leith á chur ar fáil againn inniu do roinnt tionscadal ar ár n-oileáin amach ón gcósta. Is príomhthosaíocht domsa mar Aire tacú lenár n-oileáin agus téann an infheistíocht seo go croí na rudaí atáimid ag iarraidh a bhaint amach trínár straitéis deich mbliana d’oileáin, Ár nOileáin Bheo.”

Tá an maoiniú faoi CLÁR á chur ar fáil mar chuid de Ár dTodhchaí Tuaithe, plean straitéiseach cúig bliana an Rialtais chun ár mbailte agus sráidbhailte tuaithe a athbheochan ar fud na tíre.

Tógann fógra an lae inniu ar an €4.7 milliún a fógraíodh i mí na Nollag faoi Bheart 1 den chlár CLÁR chun tacú le 113 tionscadal bonneagair spóirt agus €2 mhilliún do 37 tionscadal a fógraíodh do Bheart 2 den chlár CLÁR. Tugann sé seo an infheistíocht iomlán go €13 milliún chun tacú le 302 tionscadal i gceantair CLÁR ar fud na tíre i 2023. Ó tugadh ar ais CLÁR arís in 2016, tá maoiniú de bhreis is €70 milliún ceadaithe do bheagnach 2,400 tionscadal.

Dúirt an sí:“Tabharfaidh an maoiniú breise atá á fhógairt agam inniu tacaíocht bhreise do ghrúpaí pobail agus do scoileanna ar fud na tíre chun áiseanna pobail a fhorbairt agus a fheabhsú, rud nach bhfuil dabht ar bith a chuirfidh fáilte mhór roimh gach duine a bhaineann úsáid astu agus go mbainfidh gach éinne úsáid astu.”