Fuair an comhairleoir contae Noreen NicGairbheith bás aréir san ospís

Tháinig a lán teachtaireachtaí ómóis isteach ón bpobal don comhairleoir contae Noreen NicGairbheith, 52, a fuair bás in ospís Dhún na nGall aréir, Deardaoin.  

Bhí aithne fhorleitheadach ar Noreen de bharr í a bheith ag obair ar feadh na mblianta le páirtí Fhianna Fáil. Bhí sí mar pháirt d'fhoireann David Alcorn i 1999. D'obair sí leis an iar Leas-Cheann Comhairleach Pat 'the Cope' Gallagher ó toghadh ina Theachta Dála agus MEP é. 

Rith sí don chéad uair sna toghachán áitiúil i 2019 agus d'éirigh léi suiochán a fhostú do Fhianna Fáil. D'fheidhmigh sí mar Chathaoirleach ar cheantar bardais na nGleanntach ó mí Bhealtaine 2020 go mí Bhealtaine 2021. 

Bhí sí gniomhach i gcúrsaí pobail agus ghlac sí páirt sa chóir áitiúil agus suim aici i gcursaí aisteoireachta chomh maith. 

Ba cainteoir dúchásach í as an Mhín Mhór, an Clochán Liath í agus bhí sí mar bhall do Choiste na nOileáin.  

Dúirt Cathaoirleach ceantar bardais na nGleanntach, an Comhairleoir Michael McClafferty gur bean cineálta a bhí intí a bhí i gcónaí ag obair ar son daoine an cheantair. Dúirt sé go raibh aoibh an ghaire i dtolamh uirthi agus go raibh sí lách agus deas do gach aon duine. 

Dúirt urlabhraí ó choiste forbartha pobail áitiúil na Dúchoraidh gur mór an chailliúint í agus ghabhadh buíochas dí ar son an mhéid a rinné sí ar a son.