Seachtain SHAG á seoladh ag Comhaltas na Mac Léinn

Sheol Comhaltas na Mac Léinn, Ollscoil na Gaillimhe an clár imeachtaí inniu le haghaidh
Seachtain na Feasachta agus na Treorach Sláinte Gnéis (SHAG), atá le toiseacht ar Samhain 20.
Le linn na seachtaine, scrúdófar na príomh-shaincheisteanna a mbíonn tionchar acu ar shláinte agus folláine ghnéis na mac léinn.

Beidh ceardlann digiteach ann chomh maith a dhéanfas sancheisteanna maraon le toill ar ardáin digiteacha a mheas. 

Reáchtálfar Biongó na mBréagán Gnéis in Sult arís i mbliana, ócáid a mbíonn an-tóir uirthi i
gcónaí, chun airgead a thiomsú do charthanais Chomhaltas na Mac Léinn. Beidh clinicí STI
saor in aisce ar fáil in Aonad Sláinte na Mac Léinn agus beidh clinic mear-thástála VEID á
reáchtáil ag Sexual Health West. Ni gá do mhicleinn coinne a dhéanamh do na clinicí seo.
Dúirt Dean Kenny, Uachtarán Chomhaltas na Mac Léinn: "Tá súil againn go dtabharfaidh
imeachtaí na Seachtaine SHAG spreagadh do na mic léinn dearcadh freagrach a bheith acu
maidir le sláinte ghnéis agus caidrimh shláintiúla.

"Tá neart le déanamh fós againn, i sochaí na hÉireann, chun deireadh a chur leis an ‘gcosc’ ar bheith ag labhairt faoin ngnéas. Ba mhaith linn go mbeadh eolas ag ár gcuid mac léinn ar shábháilteacht gnéis."
Dúirt Izzy Tiernan, Leasuachtarán de chuid an Chomhaltais/an tOifigeach Leasa agus
Comhionannais: "Tá ceardlanna agus imeachtaí iontacha eagraithe againn le haghaidh na
Seachtaine SHAG. Bíonn Sult lán go doras ag Biongó na mBréagán Gnéis gach bliain agus is
amhlaidh a bheidh arís i mbliana. Ba mhaith linn spreagadh a thabhairt do gach mac léinn a
bheith páirteach agus meabhrú dóibh go mbímid ag tabhairt amach coiscíní saor in aisce ó
thús deireadh na bliana - ní hamháin i rith na Seachtaine SHAG."