'Fadhb tithíochta an chloch is mó ar a phaidrín roimh an toghchán'

Dúirt Uachtarán Shinn Féin Mary Lou McDonald go bhfuil gá le hathrú rialtais le dhul i ngleic leis an géarchéim tithíochta, fadhbanna sa chóras sláinte agus an chaoí ina bhfuil an chostais maireachtála ag dul in airde lá i ndiaidh lae. 

Dúirt sí an oiread seo ag 'think-in' bliantúil an pháirtí i mBaile Átha Cliath nios luaithe inniu.  

Dúirt sí: "Tá muid ag tabhairt aghaidh ar cheann de na tréimhsí is tábhachtaí i stair pholaitíocht na hÉireann agus muid ag cuntas na laethanta go dtí na toghcháin áitiúla, Eorpacha agus Udarás na Gaeltachta i mí an Mheithimh agus olltoghchán a d’fhéadfadh tarlú ag póinte ar bith."

Dúirt sí go raibh toil an phobal i leith athrú ag dul i méid de bharr go raibh an Rialtas ag léiriú nach raibh sé ábalta do na dúshláin agus na géarchéim atá ann i láthair na huaire. 

“Mar is faide atá Fine Gael agus Fianna Fáil i mbun rialtais is ea is measa atá rudaí ag éirigh - níl le déanamh ach amharc ar na géarchéimeanna tithíochta, sláinte agus costais mhaireachtála. Má theastaíonn uainn go n-athrófar rudaí, teastaíonn athrú rialtais uainn," ar sí.

Dúirt sí go raibh sé soiléir gurb í an tithíocht an cheist is mó a bheas ann do na páirtí roimh an toghchán.