BBC ag tabhairt lámh chuidigh do dhaoine atá ar tór thithí

Idir na daoine seo atá ag iarraidh teach a cheannacht don chéad uair agus iad siúd atá ar tí dul ar scor, cuidíonn sraith úr de chuid BBC Gaeilge leo a sártheach a aimsiú.    

Beidh sé chlár sa tsráith. Is cuma más ruaille buaille na cathrach nó saol ciúin i gceantar tuaithe atá uathu, tugann Bog Amach ar aistear muid chuig áiteanna áille agus tithe suimiúla, le dea-chomhairle ó shaineolaithe réadmhaoine. 

Gach seachtain cuidíonn ár láithreoir úr, Emer Mhic an Fhailí as Béal Feirste, le clann nó le lánúin éagsúil. Is bean í Emer a bhfuil dúil aici sa dearadh, i línte ghlana agus i siméadracht. Beidh trí theach i rogha ceantar na lorgairí tí le taispeáint gach seachtain, idir thithe lándéanta agus iad siúd a bhfuil obair mhór de dhíth orthu go fóill, agus beidh praghas luaite leo dá réir. Tiocfaidh idir iontais agus dhúshláin as an chuardach.

Strident Media a léirigh Bog Amach do BBC Gaeilge agus RTÉ, le maoiniú ó Chiste Craoltóireachta Gaeilge Scáileáin Thuaisceart Éireann. Craolfar an chéad chlár ar BBC Two Northern Ireland agus ar BBC iPlayer Dé Luain, Meán Fómhair 25 ag 22:00.  

Thar na sé seachtaine, cuidíonn Emer le daoine aonair, le teaghlaigh agus le lánúineacha tír na hÉireann a chíoradh le teach a a aimsiú a bhfuil a gcroí istigh iontu agus  chomh maith leis sin, an t-aistriú mór a dhéanamh – is cuma cé acu aonaracht cois farraige nó spionnadh na cathrach atá uatha, agus beag beann ar a n-áit ar an dréimire réadmhaoine.

Tá Emma Devlin sa tóir ar a céad teach i mBéal Feirste. Tá mamaí s’aici Cora ag cuidiú léi teacht ar theach a bheidh foirfe di féin agus dá cat, Setanta.

Le linn na sraithe, buaileann muid le daoine atá ag filleadh ar Éirinn agus le daoine atá réidh le teach a cheannach seachas ceann a bheith ar cíos acu.

I ndiaidh a bheith ina gcónaí thar lear sa Nua-Shéalainn, tá lánúin óg Críostóir agus Úna ar ais in Éirinn. Tá siad ag iarraidh socrú síos i gcontae dúchais s’acu, Dún na nGall. Tá lánúin óg Páidí agus Naomi braon de a bheith ag íoc cíosa, agus tá siad réidh lena dteach féin a cheannach i mBéal Feirste. 

Tá Tiarnán agus a bhean chéile Marylin ina gcónaí i gCeanada le 33 bliain ach tá siad ag smaoineamh ar aistriú mór a dhéanamh ar ais go hÉirinn lena gcúnna faoil Albanaigh. Ba mhaith leo a bheith níos giorra dá muintir agus teach a fháil i Loch Garman. 

Ba mhaith le Eileen saol tuaithe i gContae an Chláir a fhágáil ina diaidh agus bogadh go cathair bhríomhar Dhoire. 

Tá clann Mhic Eoin ag iarraidh saol suaimhneach a aimsiú i gConamara. Tosnaíonn an tsraith úr de Bog Amach ar BBC iPlayer agus BBC Two Northern Ireland ar Meán Fómhair 25 ag 22:00.