Bláth agus ráth ag teacht ar Scoil Gheimhridh Ghaoth Dobhair

D’éirigh thar barr leis Scoil Gheimhridh Ghaoth Dobhair i mbliana leis an mhórchuid do na ceolchoirmeacha agus ranganna lán go béal.

Dúirt eagraitheoir na scoile, Cathal Ó Curreáin, go raibh beagnach gach ócáid diolta amach.

Ní raibh ticéid ar bith fágtha do Ye Vagabonds, Bláth na hÓige agus an oíche mhór chinn bliana: “Bhí na ranganna nócha-cúig faoin gcéad díolta amach fosta le fíche muinteoir agus thar a bheith dhá chéad scolaire againn.

"Bhí na títhí tabhairneacha uilig pacáilte amach, siad sin Teach Mhicí, Teach Jack, Teach Hiudaí Beag, Drioglann Chroithlí, Teach Leo agus áiteanna eile,” a dúirt sé.  

Tá an scoil Gheimhridh á reachtáil ag Comharchumann Forbartha Ghaoth Dobhair. 

Mhol sé na hoibrí deonacha a tháinig amach agus a chuidigh leis an bhféile a reachtáil. 

Beidh an Scoil Gheimhridh ag comóradh 30 bliain ar an bhfód an bhliain seo chugainn ó bunaíodh é mar Scoil Gheimhridh Frankie Kennedy. 

Ghabhadh sé buíochas le muintir an cheantair a chuir tithí agus seomraí ar fáil do chuairteoirí. 

“Gan an chuidiú sin - ní bheadh muid ábalta an féile seo a reachtáil,” ar sé. 

Tá ticéid early bird ar fáil cheana féin don bhliain seo chugainn.  

Ghabhadh sé buíochas chomh maith leis An Chomhairle Ealaíon a chur urraíocht ar fáil. Thug sé buíochas chomh maith do Raidió na Gaeltacha, Údarás na Gaeltachta, Maddens i mBéal Feirste, Ealaíon, Meitheal Pleanála Teanga, Five Farms Irish Cream agus An Chrannóg as úcht a gcuid tacaíochta.