Deir Coimisinéir na nGardaí go bhfuil sé tábhachtach go bhfuil Gaeilge ag gardaí sa Ghaeltacht

Dúirt Coimisinéir na nGardaí, Drew Harris, go bhfuil sé tábhachtach go mbeadh Gaeilge ag gardaí atá lonnaigh sa Ghaeltacht, ag cruinniú de Chomhchoiste Poilíneachta i Leitir Ceannain, ar an Luan.  

Dúirt an Choimisinéir go bhfuil iarrachtaí ar bun acu ranganna Gaeilge a chur ar fáil de ghardaí atá lonnaigh sa Ghaeltacht. 

Faoí láthair, tá dualgas reachtúil maidir le inniúlacht Ghaeilge na nGardaí atá lonnaithe sa Ghaeltacht. Deir Fo-alt 33(2) d’Acht an Gharda Síochána, 2005: “Déanfaidh Coimisinéir an Gharda Síochána, a mhéid is indéanta, a chinntiú go mbeidh comhaltaí den Gharda Síochána a bheidh ar stáisiún i ndúiche ina bhfuil limistéar Gaeltachta inniúil go leor sa Ghaeilge chun a chumasú dóibh í a úsáid go saoráideach le linn dóibh a ndualgais a chomhall.”

Aimsir fhuar, fheanntach á tuar ó seo go dtí an deireadh seachtaine

Rabhadh aimsire stádas buí teocht íseal agus siocáin i bhfeidhm

Rinne an Oifig an Choimisinéir Teanga imscrúdú ar an ábhar sa bhliain 2011. Nuair nár cuireadh i bhfeidhm go cuí moltaí an imscrúduithe sin i dtuairim an Choimisinéara, faoin bhliain 2021, leag an Choimisinéir Teanga tuarascáil ar an ábhar faoi gach teach den Oireachtas, mar a cheadaítear dó faoi alt 26(5) d’Acht na dTeangacha Oifigiúla, 2003. 

Tá cóip den tuarascáil sin ar fáil anseo: Tuarascáil chuig Tithe an Oireachtais.