Léiríonn figiúirí gur bhain Patrick Kielty amach an clár is láidre riamh de The Late Late Show

I NDEIREADH seachtaine lán le siamsaíocht agus spleodar spóirt, bhí Patrick Kielty i lár an aonaigh ar The Late Late Show.

Oíche Dé hAoine, tháinig lucht féachana ó Éirinn agus ar fud an domhain go dtí an RTÉ Player chun nóiméad stairiúil Patrick Kielty a fheiceáil agus é ar an gceathrú láithreoir den seó comhrá beo is faide ar domhan.

D’éirigh thar barr le hoscailt an tséasúir ar The Late Late Show, ag mealladh lucht féachana de 830,000 ar an meán a d’fhéach isteach beo nó laistigh den lá céanna ar RTÉ One agus RTÉ One +1. Mhéadaigh buaic an lucht féachana go dtí 934,000 duine.

Rinne RTÉ Player an seó a shruthú chuig 158,000 duine, rud a d’fhág gurb é an Late Late Show is láidre a d’oscail ar an ardán go dtí seo. I measc daoine fásta 25-44 bliana d’aois, bhí 65% dóibh ag breathnú.

Acmhainn úr oideachais ó TG4 Foghlaim Inis Friotal

Sa chéad chlár de chuid Patrick Kielty bhí clár lán le réalta, lena n-áirítear; Tommy Tiernan, iar-Uachtarán Máire Mhic Ghiolla Íosa, an peileadóir James McClean, agus The 2 Johnnies, le ceol spreagúil le Chasing Abbey.