Gradam speisialta ag Oireachtas na Samhna do Blas

Bronnadh gradam speisialta ar Blas, príomh-irischlár Gaeilge an BBC, ag Oireachtas na Samhna i mbliana lena chuimhneachán 25 bliain an fómhar seo a cheiliúradh. Bhain an gradam le ‘Scothchraoltóireacht le 25 bliain’.

Ó craoladh an clár den chéaduair ar BBC Raidió Uladh tráthnóna an Meán Fómhair, 1998, leanann sé leis ag soláthar réimse leathan d’ábhar il-ardán d’éisteoirí. Le 25 bliain anuas, tá an clár ag tabhairt ‘blas’ don lucht éisteachta de scéalta daonspéise náisiúnta agus idirnáisiúnta, na healaíona, cultúr, eolaíocht agus teicneolaíocht, spórt, ceol, drámaí agus cláir faisnéise.

Agus í ag glacadh leis an duais, is é a dúirt Róisín Ní Chéileachair, Eagarthóir Ábhair BBC Gaeilge agus comh-bhunaitheoir de chuid Blas, taobh le hAntaine Ó Donnaile: “Is mór an onóir é a bheith aitheanta ag an Oireachtas agus tá mé thar a bheith sásta do gach duine ar na foirne tiomanta cumasacha atá ag Blas chomh maith leis na foirne a bhí linn ar an aistear le 25 bliain anuas den seó seo. Is iomaí rud a tharla sa cheathrú céid sin, agus tá súil againn gur féidir linn fós an chuid is fearr d’ábhar a thabhairt dár lucht éisteachta trí mheán na Gaeilge, beag beann ar athruithe leis an teicneolaíocht.  

Táimid iontach buíoch den Oireachtas as an ghradam speisialta seo, agus, cé gur ceann mór againne é, mothaím gur gradam é dár lucht éisteachta agus rannpháirtithe iontacha fosta, chomh maith leis an mhuintir a chuaigh romhainn i gcraoltóireacht na Gaeilge. Níorbh fhéidir le Blas é féin a mhúnlú le ceathrú céid anuas ar an dóigh chéanna atá déanta aige murach iad."

Fuair Séamus Mac Murchaidh: Díolta Faoina Luach, clár a léirigh Macha Media do BBC Gaeilge mar choimisiún teilifíse, gradam ón Oireachtas chomh maith, mar bhí ‘Clár/Scannán Teilifíse na Bliana’.