Iarracht a dhéanamh dhul i ngleic le fadhbanna frithshósíalta sa phríomhchathair

Tá sé ráite ag Aire an Roinn Leanaí, Comhionannais, Míchumais, Lánpháirtíochta agus Óige, Roderic O’Gorman, go bhfuil obair ar bun sna pobail a chuideoidh le dhul i ngleic le iompar frithshóisialta.

Dúirt sé go mbeidh an méid a thit amach le gairid, go háirithe an ionsaí ar chuairteoir de chuid Mheiriceá, ina ábhar imní ag pobal an háite agus ag cuairteoirí i gcoitinne. 

Thug ambasáid na Stát Aontaithe, i mBaile Átha Cliath, rabhadh do chuairteoirí chun na tíre. Dúradh leo seo a thagann go hÉirinn prófíl íseal a choinneáil.

Léirigh rabhadh ar an shuíomh ghreasáin an ambasáid ar an Cheadaoin cén dóigh is fearr a bheith sábháilte i mBaile Átha Cliath. 

Rinneadh ionsaí chomh maith ar aisteoir ón Úcráin agus thug an Taoiseach Leo Varadkar cuairt air le rá go raibh sé buartha fán méid a tharla. 

Thug an Taoiseach le fios go mbeadh dúshlán ann 1,000 garda úr a threanáil agus mhol sé go mbeadh pianbhreitheanna ní ba dhéine a ghearradh ag cúirteanna ar cóireanna a bhain le eachtraí frithshósíalta. 

Ag labhairt do ar RTÉ, dúirt an O'Gorman go raibh sé ag díriú ar tuilleadh tacaíochta a chur ar fáil i gceantracha ina bhfuil sé de dhith agus go mbeadh seirbhisí agus cuidiú curtha ar fáil d'óganaigh.