Gardaí ag achomharc ar fhinnéithe tar éis timpiste marfach i Sligeach
D'FHREASTAIL gardaí agus na seirbhísí éigeandála ar láthair imbhuailte bóthair marfach a tharla i gCo Shligigh Dé Céadaoin seo.
Tharla an t-imbhualadh, thart ar 11:40rn idir veain agus carr, ar an mbóthar idir Baile an Mhóta go Tobar an Choire.
Fógraíodh go raibh an tiománaí fireann, a bhí sna déaga déanacha, básaithe ag an láthair. Tugadh a chorp go dtí an marbhlann in Ospidéal na hOllscoile, Sligeach, áit a mbeidh scrúdú iarbháis ar siúl in am trátha. Níor gortaíodh tiománaí fireann na veain, a bhí ina 60idí.
Rinne Imscrúdaitheoirí Imbhuailtí Fóiréinseacha an Gharda Síochána scrúdú teicniúil ar an láthair agus tá an bóthar oscailte arís.
Tá Gardaí ag iarraidh ar aon duine a chonaic an t-imbhualadh seo teagmháil a dhéanamh leo.
Iarrtar ar aon úsáideoir bóithre a bhféadfadh píosaí scannáin ceamara a bheith acu, lena n-áirítear dash-cam, agus a bhí ag taisteal sa cheantar ag an am, an scannán seo a chur ar fáil do na Gardaí.
Iarrtar ar aon duine a bhfuil aon eolas acu dul i dteagmháil le stáisiún gardaí Bhaile an Mhóta ar 071 918 9500, Líne Rúnda na nGardaí ar 1800 666 111 nó aon stáisiún gardaí.