BÉALBHINN - Acmhainn úr oideachais ó TG4 Foghlaim agus COGG

Sraith úr foghlama é Béalbhinn arna léiriú ag MOC2 chun tacú le scoláirí atá ag tabhairt faoin tSraithShinsearach agus faoin scrúdú Gaeilge A2. 

Iniúchadh ar dhomhan bríomhar éagsúil na ndaoine óga cumasacha seo a bhfuil Gaeilge acu atá sa tsraith úr seo le Micheál Ó Ciaraidh do TG4 Foghlaim/COGG. Labhróidh Micheál le Louise Cantillon, Caoimhe Ní Chathail, Donncha Ó Murchú, Tessa Flemming, Jamie Ó Flannúra, Séaghan Ó Suilleabháin mar aon le haíonna eile sa tsraith 12-mír seo. 

Clúdaítear réimse ábhair idir fhaisean agus cheol, cúrsaí polaitíochta, an saol ar líne, cúrsaí spóirt agus cultúir mar aon le léargas pearsanta a thabhairt ar shaol agus ar ghaiscí na ndaoine fuinniúla ar leith seo. Is sraith ar leith í seo toisc go gcuirtear béim ar an ról ríthábhachtach atá ag an nGaeilge maidir le tionchar a imirt ar a n-aistir. 

Tugtar aird go straitéiseach ar eochairfhocail agus nathanna atá riachtanach chun teanga a shealbhú, agus tá sé sin ag teacht le aidhm TG4 Foghlaim/COGG agus tacaíocht Béalbhinn do phríomhthéamaí an churaclaim chun forbairt teanga a éascú. 

Cuirtear canúintí éagsúla i láthair sa tsraith, ag dearbhú thiomantas TG4 Foghlaim/COGG do thacaíocht a thabhairt d’fhoghlaimeoirí ar fud na tíre ina n-iomláine. Beidh cainteoirí ó áiteanna éagsúla amhail Gort an Choirce, Ciarraí, Conamara agus Baile Átha Cliath páirteach sa tsraith. 

Chomh maith le míreanna físe, tá acmhainní teagaisc atá cruthaithe ag COGG ar fáil ar TG4 Foghlaim a thugann deis d’fhoghlaimeoirí forbairt a dhéanamh ar an teanga atá sna físeáin. Is uirlisí luachmhara iad sin chun feidhmiú agus sealbhú teanga a dhaingniú. 

Is féidir Béalbhinn a fheiceáil anseo - https://foghlaim.tg4.ie/ tsraith_shinsearach