Straitéis nua 5 bliana seolta ag EirGrid chun eangach leictreachais na hÉireann a athrú ó bhonn

Sheol EirGrid a Straitéis Ghrúpa 2026 le déanaí, ina leagtar amach treochlár uaillmhianach chun eangach leictreachais na hÉireann a athrú ó bhonn le haghaidh todhchaí ina mbeidh gach gnólacht, teach, agus baile á gcumhachtú ag leictreachas slán, glan agus inacmhainne.

Is é Cathal Marley, Príomhfheidhmeannach EirGrid, a sheol an straitéis agus tugtar breac-chuntas inti ar an gcaoi a seachadfaidh EirGrid an clár oibre is fairsinge a rinneadh riamh ar chóras leictreachais na hÉireann, chun an geilleagar agus an tsochaí a athrú ó bhonn trí leictriú.

Tá EirGrid freagrach as an gcóras tarchurtha leictreachais a oibriú go slán agus go hiontaofa, agus eangach an lae amárach a phleanáil agus a chur i gcrích.

Tar éis don Rialtas agus don rialtóir €18.9 billiún a leithdháileadh, le haghaidh infheistíochta san eangach leictreachais, cuirfidh EirGrid clár oibre uaillmhianach ar fáil thar an tréimhse straitéise go dtí 2030, agus béim shoiléir á leagan ar bhonneagar eangaí a thógáil ar luas agus ar scála.

Tá córas leictreachais na hÉireann ag dul isteach i dtréimhse athraithe thapa nach bhfacthas a leithéid riamh roimhe seo, agus táthar ag súil go dtiocfaidh méadú suntasach ar an éileamh, níos mó ná dúbailte faoi 2050, agus táthar ag súil go dtiocfaidh méideanna móra giniúna in-athnuaite nua isteach sa chóras sna blianta amach romhainn, lena n- áirítear gaoth amach ón gcósta, gaoth ar talamh, grianstóráil agus stóráil ceallraí.

Chun aghaidh a thabhairt ar an dúshlán sin, cuirfidh EirGrid go mór lena chumas trína lucht saothair a leathnú, a chórais dhigiteacha a neartú agus an neart airgeadais is gá a chinntiú chun mórchláir bhonneagair a sholáthar ar fud na tíre, lena n-áirítear 381 thionscadal tarchurtha.

Le cúig bliana anuas, d’fhás EirGrid ó lucht saothair 500 go 1,500 agus le linn thréimhse na straitéise seo, sroichfidh an lucht saothair 2,000 chun fás a éascú agus a spreagadh.

Ag labhairt dó ag an seoladh, dúirt Cathal Marley, Príomhfheidhmeannach EirGrid: “Tá an straitéis seo á seoladh againn ag tráth cinniúnach d’Éirinn. Tá eangach leictreachais atá slán, glan agus inacmhainne i gcroílár uaillmhian gheilleagrach agus shóisialta na tíre.

“Tá fás ollmhór ag teacht ar ghiniúint fuinneamh ghlan agus ar ghiniúint fuinneamh in-athnuaite, agus tá an t-éileamh ag méadú ar luas freisin mar gheall ar an daonra agus ar an bhfás geilleagrach agus leictriú na sochaí.

“Cruthaíonn eangach nua-aimseartha atá oiriúnach don fheidhm níos mó deiseanna don tír. Cumasaíonn leictreachas infheistíocht, forbairt réigiúnach, tithíocht, nuálaíocht agus saol níos fearr do na daoine agus do na pobail a bhfreastalaímid orthu.

“Tá ár n-uaillmhian soiléir, chun eangach a thógáil agus a oibriú a bheidh in ann todhchaí na hÉireann a chumhachtú. Trí bhonneagar a sholáthar ar luas agus ar scála, ní hamháin go

bhfuilimid ag tacú leis an aistriú fuinnimh, táimid ag tacú freisin le dul chun cinn fadtéarmach sóisialta agus geilleagrach.”

Ag labhairt dó faoin straitéis nua, dúirt Cathaoirleach Bhord EirGrid, Brendan Tuohy: “Níl sa leictreachas a thuilleadh ach cuid amháin den gheilleagar, tá sé ag éirí mar bhunús don tsochaí, agus leagtar amach sa straitéis seo an chaoi a n-imreoidh EirGrid a ról.”

Tá an straitéis bunaithe ar cheithre phríomhcholún:

• Éire a Choinneáil Cumhachtaithe – córas leictreachais atá sábháilte, slán agus athléimneach a chinntiú gach nóiméad de gach lá
• Ag Tógáil na Cnáimhe Droma. Eangach a Éascaíonn an Fás – bonneagar eangaí a sholáthar ar luas agus ar scála chun tacú le fás cothrom agus chun na dálaí a chruthú le haghaidh todhchaí ísealcharbóin
• Ag Athrú ó Bhonn don Fhuinneamh Glan – leibhéil i bhfad níos airde leictreachais in-athnuaite, teicneolaíochtaí glana agus córas cumhachta níos solúbtha a chumasú
• Scód a Ligean le Teorainneacha Úra. Amach ón gCósta agus Idirnasc – gaoth agus idirnascadh amach ón gcósta a chur chun cinn chun neamhspleáchas fuinnimh fadtéarmach na hÉireann a neartú

Tá fócas suntasach sa straitéis ar ghaoth amach ón gcósta agus ar idirnascadh, rud atá ríthábhachtach do chóras fuinnimh na hÉireann amach anseo.

Tógfaidh EirGrid cumas nua sa réimse seo, ag glacadh ról leathnaithe maidir le bonneagar amach ón gcósta a sholáthar agus a oibriú chun giniúint in-athnuaite ar mhórscála a nascadh. Áirítear leis sin aonad gnó nua a bhunú chun díriú ar bhonneagar amach ón gcósta a sholáthar.

Ag tógáil i dtreo na sprice go dtiocfaidh 80 faoin gcéad dár leictreachas ó fhoinsí in- athnuaite sna blianta amach romhainn, mar atá leagtha amach ag an Rialtas, ní mór don eangach 9 GW de ghaoth ar tír agus 5 GW de ghaoth amach ón gcósta a nascadh.

Tá cuspóir na heagraíochta – eangach leictreachais na hÉireann a chumhachtú le haghaidh todhchaí le fuinneamh glan, fós i gcroílár na straitéise, agus béim láidir á leagan ag an am céanna ar chomhoibriú suntasach leis na páirtithe leasmhara uile.

Dúirt Marley: “Sna cúig bliana amach romhainn, oibreoidh EirGrid go dlúth leis an Rialtas, le rialtóirí, leis an tionscal agus le pobail chun leibhéal infheistíochta gan fasach a sholáthar i mbonneagar fuinnimh, ag tacú le spriocanna náisiúnta aeráide, agus deiseanna geilleagracha á scaoileadh ar fud na tíre ag an am céanna.”

Chun tuilleadh eolais a fháil faoi Straitéis Ghrúpa EirGrid 2026, tabhair cuairt ar eirgrid.ie/strategy

**ÁBHAR URRAITHE**